Instagram желісінде жеке бренд бағытында контент әзірлейтін блогер Динара Мырзажанқызы танымал әнші Сәкен Майғазиевтің келіні Әдия туралы мәлімет жариялады.
Блогердің айтуынша, 20 жастағы Әдия сән индустриясына қызығушылық танытып, бүгінде Дубайдан әкелінетін абайка стиліндегі киімдерді Қазақстанда сатумен айналысады.
«Жақында Сәкен Майғазиев үлкен ұлының тойын дүркіретіп өткізді. Ұлы Әділет 27 жаста, ал келіні Әдия – 20 жаста. Ол Ақтаудан шыққан, Жаңаөзеннің қызы. Оның парақшасына кірген кезде эстетикаға, сұлулыққа, нәзік стильге жақын екенін байқадым. Ал кәсібіне келсек, Дубайдан абайка киімдерін алып келіп, Қазақстанда сатады», – деп жазды Динара Мырзажанқызы.
Блогер жазба соңында келіннің негізгі және жұмыс парақшасына сараптама жасап, қысқаша шолу ұсынған. Оның айтуынша, бұл контент жеке бренд қалыптастыруға арналған жобасының бір бөлігі ретінде жарияланған.
