Танымал әнші Қайрат Нұртастың жары әрі қазақстандық актриса Жұлдыз Әбдукәрімова босанғанына көп уақыт өтпей шетелге сапарға аттанды.
Өнер иесі Instagram парақшасында Куала-Лумпурдан (Малайзия) бірқатар суреттер жариялап, Токиоға жол жүріп бара жатқанын айтты.
«Қазір Малайзияның жүрегінде – Куала-Лумпурдамын. Токиоға бара жатқан жолда осында алты сағаттық аялдамамыз болды. Әуежайда бос отыра бермей, қаланы тамашалауды жөн көрдік. Бұл – заманауи аспанмен тік шаншылған зәулім ғимараттар мен шығыс мәдениеті үйлескен таңғажайып қала», – деп жазды актриса.
Еске сала кетейік, Жұлдыз Әбдукәрімова жуырда бесінші рет ана атанған болатын.
