Қазақстандық боксшы Жәнібек Әлімханұлы (17-0, 12 КО) екінші орта салмақтағы абсолютті әлем чемпионы, америкалық Теренс Кроуфордпен (42–0, 31 КО) кездесу өткізуге ниетті екенін білдірді.
Оған дейін орта салмақта WBO және IBF белбеулерінің иегері Әлімханұлы өз дивизионындағы барлық титулды біріктіруді мақсат етіп отыр.
Бұл жайында не ойлайсыздар, достар? Келер жылдың мамыр айына дейін менде барлық төрт белбеу болады. Ал егер сол уақытқа дейін Кроуфорд өз дивизионында төрт титулын сақтап қалса, 2026 жылдың күзінде екі абсолют чемпионның кездесуі өтеді! – деп жазды ол X әлеуметтік желісінде.
Айта кетсек, Әлімханұлына жетпей тұрған WBA чемпионы кубалық Эрисланди Лараның (31-3-3, 19 КО), WBC титулы доминикандық Карлос Адаместің (24-1-1, 18 КО) еншісінде.
