Қазақстандық танымал боксшы Сәкен Бибосынов Халықаралық бокс қауымдастығы (IBA) ұйымдастырып жатқан 2025 жылғы әлем чемпионатындағы алғашқы жекпе-жегін өткізді. Турнир Дубайда (БАӘ) өтіп жатыр.
54 келіге дейінгі салмақта жұдырықтасатын Бибосынов Ботсвана өкілі Катлего Кеорапецені тас-талқан етіп ұтты. Олимпиада ойындарының жүлдегері, әлем чемпионы Сәкен – осы салмақтағы көшбасшы боксшылардың бірі. Бұл біріншілікке де ол чемпион атану үшін келгені анық.
Сәкен жекпе-жек басталысымен толық бақылауда ұстап, төрешілердің ортақ шешімімен жеңді.
Әлем чемпионаты-2025 13 желтоқсанға дейін жалғасады. Турнирдің жалпы жүлде қоры – 8,32 миллион доллар.
Бибосынов 54 келіге дейінгі салмақ дәрежесінде өнер көрсетіп жатыр. Ол турнирді бірден 1/16 финалдан бастады. Алғашқы жекпе-жекте Сәкеннің қарсыласы Ботсвана елінің өкілі Катлего Кеорапеце болды.
Қазақстандық боксшы барлық раундта басым болды. Жекпе-жек соңында төрешілер бірауыздан Сәкеннің жеңісін тіркеді..
