Қазақстан құрамасы бокстан София қаласында (Болгария) өтіп жатқан халықаралық Странджа турнирінде төрт алтын медаль жеңіп алды.
Алтын медальді мыналар жеңіп алды: Даниял Сәбит (50 келіге дейін), Элина Базарова (54 келіге дейін), Надежда Рябец (80 келіге дейін), Валерия Аксенова (80 келіден жоғары).
Фарух Тоқтасынов (70 келіге дейін) және Лаура Есенкелді (65 келіге дейін) күміс медальға ие болды.
Әнел Сақыш (54 келіге дейін), Валентина Хальзова (75 келіге дейін), Дина Исламбекова (80 келіден жоғары) қола жүлдемен жарысты аяқтады.
Жалпыкомандалық есепте Өзбекстан құрамасы жеті алтын медальмен топ жарды. Кейінгі орындарға Қазақстан (4 алтын), Украина (3), Англия (2), Болгария (2), Косово (1) және АҚШ (1) орналасты.
