Қазақстандық MMA шебері, «Қазақ терминаторы» лақап атымен танымал Мұратбек Қасымбай Еркебұлан Тоқтардың жеңілісіне қатысты пікір білдірді.
Қырғызстандық Марсель Нұрланбек уулу төрешілер шешімімен Тоқтарды жеңгеннен кейін, Қасымбай оған жекпе-жекке шығуға дайын екенін мәлімдеді.
Мен – сен қашатын адаммын! Егер көрермендерім осы жекпе-жекті көргісі келсе, Марсельді белгілеңіздер, – деп жазды ол әлеуметтік желідегі парақшасында.
Айта кетейік, Нұрланбек уулу мен Тоқтар арасындағы кездесу Hype FC 28 турнирі аясында Арменияда өтті. Жекпе-жек толық үш раундқа созылып, төрешілер шешімімен аяқталған еді.
Мұратбек Қасымбай – 2021 жылғы панкратионнан әлем чемпионы. Ол кәсіби лигалармен қатар поп-MMA форматында да өнер көрсетіп жүр.
Ал Еркебұлан Тоқтар соңғы жылдары поп-MMA-ден кәсіби деңгейге өтіп, қазіргі таңда 11 жеңіс және 3 жеңілістен тұратын рекордқа ие. Сонымен қатар ол әлеуметтік желідегі танымалдылығы бойынша Шавкат Рахмоновтан да алда келеді.
