Футболдан Бірінші лига командалары арасындағы Қазақстан чемпионатының ІІІ турының алғашқы ойындары өтті. Тур аясында қарағандылық «Шахтер» командасы айқын басымдық танытып, ірі жеңіске қол жеткізді.
Кездесу барысында қарағандылық ұжым ойын тізгінін толықтай өз қолында ұстап, шабуылда белсенділік көрсетті. Қарсылас қақпасы маңында жиі қауіпті сәттер ұйымдастырған команда қорғаныста да сенімді ойнады.
Матчтың басты қаһарманы – Артем Литош. Ол хет-трик жасап, команданың жеңісіне зор үлес қосты. Сонымен қатар Максим Галкин 40-минутта есеп ашса, Рифат Нұрмұғамет 65-минутта айырманы ұлғайтты. Ал ойынның соңғы нүктесін 81-минутта Арман Нүсіп қойды.
Осылайша «Шахтер» қарсыласын 6:0 есебімен ойсырата жеңіп, турнир кестесінде 7 ұпаймен бірінші орынға көтерілді. Команданың доп айырмасы да әсерлі – 10:0.
Бұл нәтиже қарағандылық клубтың маусымды сенімді бастағанын көрсетіп, олардың Бірінші лигада басты фавориттердің бірі екенін аңғартады. Команда биыл Премьер-лигаға қайта оралуды мақсат етіп отыр.
Келесі турда «Шахтер» өз алаңында «Тобылдың» жастар құрамасымен кездеседі. Ойын 1 мамыр күні сағат 15:00-де басталады.
23 сәуірдегі ойын нәтижелері:
- «Астана-Ж» – «Академия Оңтүстік» (Шымкент) 1:0
- «Қайрат-Ж» (Алматы) – «Ақтөбе-Ж» 6:0
- «Батыр» (Павлодар облысы) – «Каспий-Ж» (Ақтау) 1:0
- «Арыс» (Түркістан облысы) – «Шахтер» (Қарағанды) 0:6
