Қазақстандық «Қайрат» пен «Семей» командалары UEFA Чемпиондар лигасының элиталық кезеңіне жолдама алды.
«Семей» бұл кезеңде үшінші топта өнер көрсетті. Алғашқы ойында команда хорватиялық «Ново Вриемені» 3:2 есебімен жеңсе, екінші турда португалиялық «Спортингтен» 2:7 есебімен жеңіліп қалды. Шешуші үшінші турда Испанияның «Пальма» клубына 4:7 есебімен есе жібергенімен, 3 ұпаймен топта үшінші орын иеленіп, элиталық кезеңге жолдама алды.
«Қайрат» болса UEFA Чемпиондар лигасының негізгі кезеңін жеңіспен аяқтады. Үшінші турда алматылықтар Косовоның «Приштина» командасын 4:1 есебімен тізе бүктірді.
Кездесудің 6-минутында Біржан Оразов есеп ашса, 17-минутта Кевин Аррьета басымдықты арттырды. 22-минутта Ромуло өз қақпасына гол соғып алды. Ал 30-минутта Оразов дубль авторы атанып, 34-минутта Оливейра да Силва қорытынды есепті белгіледі.
Алғашқы екі турда алматылықтар «Ново Вриемені» 3:2 есебімен ұтып, кейін «Спортингтен» 2:7 есебімен жеңілген болатын. Осылайша «Қайрат» өз тобында 6 ұпай жинап, екінші орынмен элиталық кезеңге өтті.
