Қазақстанның садақ атудан әйелдер құрамасы Таиландтың Бангкок қаласында өтіп жатқан Азия кубогының кезеңінде жеңіске жетті.
Виктория Лян, Роксана Юнусова және Диана Юнусовадан құралған команда финалда Үндістан құрамасын 229:227 есебімен жеңіп, алтын медальға қол жеткізді.
Айта кетейік, Қазақстан құрамасы алда командалық сайыстарда тағы екі финалға шығады. Ерлер және әйелдер құрамалары классикалық садақ атудан да алтын медаль үшін сынға түседі.
