Азия Олимпиада кеңесінің Атқарушы комитеті 2029 жылғы IV Жастар арасындағы Азия ойындарын Өзбекстанның Ташкент қаласында өткізу туралы шешім қабылдады.
Бұған дейін Ташкент бұл жарысты 2025 жылы қабылдауы тиіс болатын. Алайда Олимпиадалық қалашықтың құрылысы уақытынан кеш аяқталуына байланысты ұйымдастыру құқығынан айырылған еді.
Бахрейнде өткен Азия Олимпиада кеңесінің Атқарушы комитеті отырысында Ташкенттің жаңа мерзімде – 2029 жылы IV Жастар арасындағы Азия ойындарының астанасы болатыны ресми түрде бекітілді.
Айта кетейік, жастар арасындағы Азия ойындары алғаш рет 2009 жылы Сингапурда өткен. Ал екінші ойындар 2013 жылы Қытайдың Нанкин қаласында ұйымдастырылды.
