Қазақстандық жекпе-жек шебері Дияр Нұрғожай аралас жекпе-жектен Лас-Вегаста өткен UFC 326 турнирінде өнер көрсетті.
Ол жекпе-жекте бразилиялық дебютант Рафаэл Тобиаспен кездесті. Жекпе-жек жартылай орта салмақта өтіп, үш раундқа жоспарланған болатын.
Кездесу соңында төрешілер шешімімен жеңіс қазақстандық спортшыға берілді. Айта кетерлігі, бұл кездесуде фаворит ретінде бразилиялық файтер саналған еді.
Осылайша, Дияр Нұрғожай кәсіби мансабындағы 11-жеңісіне қол жеткізді. Ал Рафаэл Тобиас ММА-дегі екінші жеңілісіне ұшырады.
Бұл жеңіс Нұрғожай үшін Ultimate Fighting Championship ұйымындағы алғашқы жеңіс болды. Бұған дейін ол UFC-дегі екі кездесуінде жеңіліс тапқан еді.
