Футболдан Өзбекстан ұлттық құрамасының бұрынғы бас бапкері Тимур Кападзе жаңа жұмыс орнын тапты.
Championat.Asia бас редакторы Нарзулла Сайдуллаевтің мәліметіне сүйенсек, маман Индонезияға барып, алдағы уақытта сол елдің ұлттық немесе клуб командасын жаттықтыруы мүмкін.
Айта кетейік, биыл қазан айында италиялық Фабио Каннаваро Өзбекстан құрамасының жаңа бас бапкері болып тағайындалған. Ал Кападзе бастапқыда бапкерлер құрамында болса да, кейін командадан кеткен.
Тимур Кападзе Өзбекстан құрамасын жаттықтырған кезеңде бес жеңіс пен төрт тең ойынға қол жеткізді, сонымен қатар команда тарихында алғаш рет әлем чемпионатының финалына жолдама алды.
Қазақстандық жанкүйерлер үшін Кападзе 2012–2014 жылдары «Ақтөбе» клубында өнер көрсеткенімен таныс.