Үндістанның Нью-Дели қаласында бокстан жылдың соңғы әлем кубогының финалдық кезеңі өтті. Қазақстандық боксшылар байрақты бәсекеде бір ғана алтын жүлдені иеленді.
85 келі салмақта өнер көрсеткен Сұлтанбек Айбарұлы ақтық сында Өзбекстан өкілі Жасурбек Юлдошевті 4:1 есебімен жеңіп, чемпион атанды.
Еліміздің атынан жарысқа 13 боксшы қатысты. 70 келі салмақтағы Нұрбек Мұрсал финалға дейін жеткенімен, шешуші сында жергілікті боксшыдан жеңіліп, күміс медальмен шектелді.
Ерлер құрамасынан 80 келіде Санжарәлі Бегалиев және 90 кг салмақта Даниял Сапарбай қола жүлдеге ие болды. Ал қыздар арасынан Жансая Рахымберді (51 кг), Ұлжан Сәрсенбек (57 кг), Диана Мағауияева (80 кг) және Әсел Тоқтасындар қола медаль еншіледі.
Осылайша, Қазақстан ұлттық құрамасы жалпы 8 жүлде иеленді. Айта кетерлігі, бұл додаға құраманың бірінші және екінші нөмірлі боксшылары қатыспаған.
