Ауыр атлетикадан Астанада өткен әйелдер арасындағы ел чемпионатында Алматы облысының спортшысы Ксения Прозорова 63 келі салмақта үшінші жыл қатарынан топ жарды. Екі жаттығу қорытындысы бойынша Ксения 200 келі (90+110) зілтемірді көтерді.
Екінші орынды Нұрсила Берікбол (Ұлытау облысы) алса, қола жүлдеге Дарья Балабаюк (Қарағанды облысы) ие болды. Айта кетерлігі, Ксения әлі де туған ауылында тұрып, жаттығуларын сол жерде жалғастырып отыр.
Ксения Прозорованың негізгі жетістіктері:
-
Ересектер арасында үш дүркін Қазақстан чемпионы (2024, 2025)
-
17 жасқа дейінгі Орталық Азия чемпионаты жеңімпазы (2024)
-
VI Республикалық жасөспірімдер ойындарының чемпионы (2025)
-
Әлем чемпионатының жасөспірімдер арасындағы жеңімпазы (2025)
-
Азия чемпионатының жасөспірімдер мен юниорлар арасындағы жеңімпазы және күміс жүлдегері (2025)
-
Жасөспірімдер Азия ойындарының күміс жүлдегері (2025)
Ксения халықаралық дәрежедегі Қазақстанның спорт шебері атағына ие және елдегі бірнеше рекордты жаңартқан.
