Бүгін Алматының «Қайрат» клубы Чемпиондар лигасының жалпы кезеңіндегі 7-тур аясында Бельгияның «Брюгге» командасымен кездеседі.
Кездесу елорда уақытымен 20:30-да басталып, «Астана Арена» стадионында өтеді. Матчтың тікелей трансляциясын Qazaqstan телеарнасы көрсетеді. Сондай-ақ ойынды арнаның ресми сайтынан онлайн тамашалауға болады.
Қызықты статистикалық деректер (ФНК):
«Қайрат» бұған дейін Бельгия клубтарымен кездесіп көрмеген;
«Брюгге» Қазақстан командаларымен алғаш рет ойнайды;
Бұл матч «Брюгге» үшін Чемпиондар лигасындағы 150-ойын болмақ;
«Қайрат» еурокубоктардың жалпы кезеңіндегі соңғы 12 матчта жеңіске жете алған жоқ;
«Брюггенің» Чемпиондар лигасындағы соңғы бес ойынында төрт тең ойын және бір жеңіліс тіркелген;
Бельгиялық клуб биылғы маусымда Чемпиондар лигасындағы барлық үш сырт алаңдағы матчта жеңілген.
Алты тур қорытындысы бойынша «Қайрат» 1 ұпаймен жалпы кезең кестесінде 36-орында тұр.
