Албания астанасы Тиранада өткен рейтингілік турнирде Қазақстан әйелдер құрамасының өкілдері Зейнеп Баянова (-50 кг) мен Лаура Алмағанбетова (-55 кг) алтын медаль жеңіп алды.
Зейнеп Баянова іріктеу кезеңінде АҚШ пен Жапония спортшыларын жеңіп, жартылай финалда Үндістан балуанын ұтты. Финалда үндістандық Приянши Праджапатты 13:2 есебімен жеңіп, турнир жеңімпазы атанды.
Лаура Алмағанбетова алғашқы айналымда Үндістан спортшысынан, кейін Германия өкілі Анастасия Блейвастан басым түсті. Ақтық сында украиналық Лиллия Маланчукпен тартысты белдесуде 3:2 есебімен жеңіске жетті.
Қазақстандық балуандардың бұл жеңісі әйелдер құрамасының халықаралық аренадағы табыстарын тағы бір мәрте дәлелдеді.
