Қазақстанның бірінші, әлемнің 10-ракеткасы Александр Бублик Indian Wells Open турнирінің төртінші айналымына шыға алмады.
Жарыстың 10-ракеткасы болып тіркелген қазақстандық теннисші үшінші айналымда әлемдік рейтингіде 117-орында тұрған, іріктеу кезеңінен өткен аустралиялық Ринки Хидзикатамен кездесті.
Бірінші партияда тай-брейкте Бублик басым түсті – 7:6 (7:3). Алайда одан кейін Хидзиката камбэк жасап, келесі сеттерді 7:6 (7:3), 6:3 есебімен өз пайдасына шешті.
Екі сағат 36 минутқа созылған тартысты матчта Бублик 19 эйс орындады. Ал Хидзиката 8 эйс жасап, 1 брейкпен (7 брейк-пойнт) көзге түсті.
Енді Ринки Хидзиката ширек финалға шығу үшін әлемнің 29-ракеткасы, ұлыбританиялық Кэмерон Норримен кездеседі.
Осылайша, Indian Wells Open турнирінде Қазақстан атынан әйелдер арасында Елена Рыбакина және жұптық сында Анна Данилина ғана жарысты жалғастырып жатыр.
