World Boxing халықаралық федерациясы «Жылдың үздік боксшысы» атағына үміткерлерді ресми түрде жариялады. Аталған тізімнен Қазақстан ұлттық құрамасының екі өкілі орын алды.
Ерлер арасындағы номинацияда биылғы әлем чемпионатының жеңімпазы әрі Астанада өткен Әлем кубогы кезеңінде топ жарған Махмұд Сабырхан үздіктер қатарына қосылды.
Ал әйелдер бәсекесінде 2025 жылғы әлем чемпионатында алтын медаль иеленген Наталья Богданова «Жылдың үздік боксшысы» атағына таласады.
Айта кетейік, әр номинация бойынша бес боксшыдан ұсынылған. Дауыс беру 26 желтоқсанға дейін жалғасады және Instagram желісінде жанкүйерлер арасында «1 лүпіл – 1 дауыс» қағидатымен өтеді.
