Қарағанды қаласында спорт саласының басшылары арасында жанжал шықты.
Qrnews.kz сайтының мәліметінше, оқиға 21 қаңтар күні кешкісін Бұқар жырау даңғылы бойында болған. Қарағанды облысының дене шынықтыру және спорт басқармасының басшысы, Олимпиада чемпионы Серік Сәпиевке дене жарақаты салынды.
Жанжалға оның орынбасары, самбодан Азия және әлем чемпионы Дәурен Есімханов қатысы бар деп хабарланды.
Полиция мәліметінше, оқиға бойынша «денсаулыққа қасақана зиян келтіру» фактісі бойынша қылмыстық іс тіркелді. Қазір жәбірленушінің жарақатының ауырлығы сот-медициналық сараптама арқылы анықталады.
Оқиғаның нақты себептері әзірге белгісіз. Құзырлы органдар барлық мән-жайды тексеріп жатыр.
