Бокстан әлем кубогінің жеңімпазы, 2019 жылғы әлем чемпионы Бекзат Нұрдәулетов әуесқой бокстағы мансабын аяқтау туралы шешім қабылдады.
Спортшының айтуынша, бұл шешім жарақатына байланысты қабылданған.
Жарақатыма байланысты әуесқой бокстағы мансабымды тоқтатуға бел будым. Бұл шешімді дәрігерлермен, бапкерлеріммен және отбасыммен ақылдаса отырып қабылдадым. Әрине, Лос-Анджелес Олимпиадасына қатысу ойымда болды. Бірақ бәрінің өз уақыты бар, — деді Нұрдәулетов.
Айта кетейік, Бекзат Нұрдәулетов жақында Маңғыстау облыстық мамандандырылған спорт мекемесінің директоры болып тағайындалған еді.
