Орта салмақта WBO және IBF тұжырымдары бойынша әлем чемпионы саналатын Жәнібек Әлімханұлы алдағы айқас қарсаңында жанкүйерлерін қызықты сұрақпен ойландырып қойды.
6 желтоқсан күні АҚШ-та қазақстандық боксшы Эрисланди Ларамен жұдырықтасып, WBO, IBF және WBA белбеулері сарапқа салынатын біріктіру жекпе-жегін өткізбек. Дегенмен, айқас алдында Әлімханұлы өз оқырмандарына мынадай сауал қойды:
Қазір орта салмақта кім танымалырақ деп ойлайсыздар — Лара ма, Адамес пе? Екеуі де чемпион, бірақ қайсысы көбірек танымал? Жалпы, танымалдылық деген не өзі — әлеуметтік желідегі оқырман саны ма, әлде басқа нәрсе ме?
Жәнібек бұған дейін өз мақсаты келесі көктемге дейін орта салмақтағы барлық чемпиондық белбеулерді біріктіру екенін мәлімдеген болатын.
