Елорданың «Барысы» Құрлықтық хоккей лигасындағы кезекті ойынын сырт айдында «Автомобилист» (Екатеринбург) клубына қарсы өткізді.
Кездесу барысында командалар тартысты ойын көрсетті. Бірінші кезеңде қарсыластар бір-бірінің қақпасынан саңылау таба алған жоқ. Екінші кезеңде бір-бір шайба енгізді. Шешуші кезеңде де тең есеп сақталды. Негізгі кезең 1:1 есебімен аяқталып, ойын овертаймға ұласты. Овертаймда ресейлік команда жеңіс шайбасын соғып кетті.
Осылайша елордалық клуб қарсыласына 1:2 есебімен есе жіберіп, қатарынан төртінші мәрте жеңілістің ащы дәмін татты.
«Автомобилист» (Екатеринбург) — «Барыс» (Астана) 2:1 (0:0, 1:1, 0:0)
1:0 — Да Коста (Голышев, Буше) — 30:01
1:1 — Томпсон (Масси, Веккьоне) — 36:46
2:1 — Бусыгин (Да Коста, Горбунов) — 62:30
Қақпашылар: Аликин — Бояркин
Айта кетсек, қазақстандық клуб бұдан кейін екі ойынын елордада өткізеді. Алдымен 15 қаңтарда Ресейдің «Нефтехимик» (Нижнекамск) командасын қабылдаса, 17 қаңтарда ЦСКА (Мәскеу) клубымен шеберлік байқасады.
