Әйелдер күресінен Қазақстан ұлттық құрамасының бас жаттықтырушысы қызметіне Нұрсұлтан Теміров тағайындалды.
Нұрсұлтан Теміров Л.Н. Гумилев атындағы Еуразия ұлттық университетін «Дене шынықтыру және спорт» мамандығы бойынша тәмамдаған. Сонымен қатар ESIL University оқу орнында мемлекеттік басқару саласы бойынша магистр дәрежесін алған.
Нұрсұлтан Теміров – «Қазақстан Республикасының еңбек сіңірген жаттықтырушысы». 2022 жылы ол ҚР Мәдениет және спорт министрлігі тарапынан «Жылдың үздік жаттықтырушысы» атанды.
Оның жетекшілігімен халықаралық аренада табысты өнер көрсетіп жүрген бірқатар спортшылар тәрбиеленді. Олардың қатарында әлем чемпионаттарының бірнеше дүркін жүлдегерлері Жәмилә және Мадина Бақбергеновалар бар.
